M U K A D D I M A H

M U K A D D I M A H : Sesungguhnya, segala puji hanya bagi Allah, kita memuji-Nya, dan meminta perlindungan kepada-Nya dari kejahatan diri kami serta keburukan amal perbuatan kami. Barang siapa yang diberi petunjuk oleh Allah, maka tak ada yang dapat menyesatkannya. Dan Barang siapa yang Dia sesatkan , maka tak seorangpun yang mampu memberinya petunjuk.Aku bersaksi bahwa tidak ada Rabb yang berhak diibadahi melainkan Allah semata, yang tidak ada sekutu baginya, dan aku bersaksi bahwa Muhammad shalallahu’alaihi wa sallam adalah hamba dan utusannya.

Minggu, 31 Oktober 2010


TAKANA AMPUN URANG (TERKENA SANTET)


O l e h : Abu Farabi al-Banjar.

Tumatan bahari zamannya nini pedatuan kesah takana ambat/ampun urang sampai diwayah ini kada habis-habisnya, ada-ada aja nang bakesah urang garing kada kawa wigas, bakamih bahira di tilam, kasihan banar anak bini nang maharagu batahunan, kada tahu uyuh siang malam subuh dinihari .

Angkaya itu jua kesah si Utuh Ganal, balum baumur talu bulan keluar besluit mengganti akan pembakal tuha nang ringkut, taumpat garing jua kada hingkat babungkiat atawa ma’angkit awak tumat ditilam. Awak sabalah sidin nang kiwa kada hingkat digarak-garakkan. Nang bini bagagas mangiau akan manteri. Imbah manteri mamariksa, kadatahunya sidin pambakal Utuh Ganal takana struk sabalah. Apa garang dimakan acil Utuh? ujar manteri manakuni bini sidin. “Abahnya malam tadi himbah makan hadangan diwadah urang ba’aruhan tulak haji”. Bini pambakal Utuh Ganal bakaseh lawan Manteri. “ Membada’i, takanan darah acil Utuh tinggi banar sampai 220 per 120 “ Anjur haja sidin opnama kerumah sakit, dirumah sakit ada doktor lawan perawatnya.

Satangah bulanan pambakal Utuh Ganal diharagu di rumah sakit, bajutaan duit kaluar, kada jua wigas. Lalu pambakal Utuh Ganal dibawa bulik diharagu dirumah haja, kalu pang kawa diubati lawan ubat kampung.
Ngarannya pambakal garing, urang sekampungan tumbur handak manulung, ada nang membawakan pupur bacampur pipakan,banglai lawan cabi jawa diwadakkan keawak sebukuan, ada nang meminumkan jajarangan dadaunan.
Kada katinggalan anak buah sidin juru tulis pambakal mangiaukan tukang sambur.

Ujar tukang sambur : “ kena malam unda malihatkan dibanyu, kalu pang panyakit pambakal tumat diurang . isuk pas banar malam jumahat, parak magrib matahari pajah unda datang, manggawikan urang angkaya garingnya pambakal Utuh Ganal kada kawa pang sambarangan “

Parak magrib, tukang sambur datang basapida tuha. Kada dua talu lagi, tukang sambur bakesah : ujar unda jua dalam hati, kada salah panglihatan dibanyu tangah malam tadi, pambakal ini digawi urang . Takana ampun urang. Mangka nang manggawi ini kada saurang haja, ada tumat lalakian awan tumat babinian. Nang lalakian maupahkan ka urang kasan manggawi pambakal , inya sakit hati awan pambakal, kada kataju. Ujrang itu kada tapilih jadi pambakal.Unda kada handak manyambatkan ngarannya, maulah dusa haja. Kalu nang babinian, urangnya janda, wadahnya kada dikampung ini pang, pinanya handak awan pambakal. Nang dikiriminya kadapang pambakal, tapi bininya. Pambakal lamah bulu, inyahanm yang takana. Untung banar lakas tahu, kalu kada bisa mambawa umur, angkaya urang kampung sabalah nang maninggal talu hari lalu.

Marangut muha bini pambakal mandangar kesah tukang sambur, ada babinian janda handak awan lakinya.” Membadai, kagatalan kalu mahandaki laki urang “ ujarnya.

“ Hampian tulungi ai kaya apakah, tasarah hampian manggawinya, asal laki ulun wigas. Kena ulun mambari pangarasnya kasan pian “ Ujar bini pambakal awan tukang sambur.

Bamacam-macam nang digawi tukang sambur, sidin menginang sirih lalu disamburkan ke awak pembakal, mengasaikan wadak kabatis tangan , himbah itu meniupkan jampi-jampi dibumbunan.

Tukang sambur kada sekali dua, datang manyambur maubati pambakal, satangah bulan hitungannya, kada jua wigas. Duit nang bini bajuataan dibarikan ke tukang sambur .Manggarunum dalam hati. Tukang sambur mangesahkan lawan bini pambakal urang yang diupah manggawi pambakal kada sambarangan, kada kawa di lawani .

Handak lakas wigas, pambakal manyuruh kiaukan urang lain yang kawa maubatinya, urang yang harat lagi. Ampat lima urang yang dikiau samuannya mamadahkan pambakal digawi urang nang diupahi. Ngalih maubatinya, kawa haja wigas bagamatan, basabar haja, rasakan haja, kalu kaina kawa wigas surang. Ujar dukun urang biaju yang dikiau tumat kampung Laksadu.

Kada saikung badua nang manggawi angkaya kesah pambakal, banyak bubuhan kita nang angkaya itu,kada kahitungan. Parcaya banar lawan urang nang bisa manyambur, urang nang bisa baubatan cara kampung atawa dukun . kada tahunya gawian angkaya itu kada dibulihkan agama. Haram hukumnya, badusa awan syirik-syiriknya.

Samuan ulama nang banar-banar ulama mamadahkan haram hukumnya mendatangi dukun, tukang sambur , urang nang kawa maubati cara kampung atawa yang wayah ini dingarani paranormal atawa urang pintar. Haramnya batambah ganal kalu betakun lawan inya lalu parcaya awan dukun itu.
Ujar ulama banyak hujah manarangkan haramnya hukum mendatangi dukun. Rasullulah shallalahu ‘alaihi wasallam bersabda :

“ Barang siapa yang mendatangi peramal dan bertanya kepadanya tentang sesuatu,. Maka sholatnya tidak diterima selama empat puluh hari ( HR. Muslim : 4137)

Ada lagi sabuting hadits sidin shallalahu ‘alahi wasallam :

“Barang siapa yang mendatangi peramah atau dukun dan mempercayai ucapannya, maka dia telah ingkar terhadap apa yang diturunkan kepada Muhammad shallalahu ‘alaihi wasallam “ ( HR. Abu Dawud, Tirmidzi, Nasa’I, Ibnu Hakim )

Ada jua hadits shahih riwayat Bazzar, Rasullulah shallalalhu ‘alaihi wasallam bersabda :

“ Barang siapa yang mendatangi dukun dan mempercayai ucapannyha, maka ia telah inkar terhadap apa yang telah diturunkan kepada Muhammad shallalahu ‘alaihi wasallam “

Aku salin akan kasan ikam barataan pemanderan Syaikh Abdurahman bin Hasan : Hadits itu menangati mendatangi atau baubat ka dukun. Macam itui jua ujar Syaikh Abdful Aziz bin Baz rahimahullah, sidin memadahkan lawan kita : hadits ini menangati mendatangi tukang atawa ujrang yang
Bisa babilangan (tukang ramal) dukun atawa samacamnya, kadabulih betakun lawan bubuhannya hal-hal yang ghaib, kada bulih parcaya apa ujarnya, kada bulih membujurkan apa yang dipanderkannya “

Tapi dasar yang ngarannya bubuhan manusia macal babujuran, ada haja yang mahual, baparagah pina penahu-nahunya, ujar bubuhannya itu, kami tahu haja, nang ngarannya dukun itu kada kawa mawigaskan (menyembuhkan), nang mawigaskan itu Allah Ta’ala, dukun itu pa’ antaranya haja pang. Sama ai kalu kita baubat ke manteri, dibari kita ubat, kada pang ubat yang mewigaskan , gawian Allah Ta’ala samuan. Manteri lawan ubatnya itu pa’antaran ya haja.

Ngalih banar kalu bauhal bubuhan handak manang tarus, kada handak dikalahkan, hadits Rasullullah haja dihualkan.
Mangkanya aku bapasan awan bubuhan kalu handak salamat dunia akhirat, kada handak dibanam di naraka, jangan ikam barataan baubat lawan dukun, dibungulinya . Kalu garing baubat haja ka doktor, inya bujur-bujur bailmu, minum haja ubat, atawa ikam baubat cara Nabi shallalahu ‘alaihi wasallam, basumu uijar urang bahari, kalu urang wayah ini manyambatnya bekam.

Parcaya lawan dukun itu tahulah ikam, ngarannya syirik,kalu sudah syirik ngalih urusannya. Syirik itu badusa ganal, Allah kada ma’ampuni urang-urang mati mambawa syirik, kalu sabalum mati batubat, Insya Allah diampuni.

Bubuhan yang gawiannya katuju babuat syirik, angkaya parcaya awan dukun, ditakutani Allah, kada diampuni,kalu maulah dusa lain, Allah masih handak mambarti ampun, apa ujarAllah ini adalag dalam al-Qur’an surah An-Nisaa ayhat 48

إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء وَمَن يُشْرِكْ بِاللّهِ فَقَدِ افْتَرَى إِثْمًا عَظِيمًا

Sesungguhnya Allah tidak akan mengampuni dosa syirik, dan Dia mengampuni segala dosa yang selain dari (syirik) itu, bagi siapa yang dikehendaki-Nya. Barangsiapa yang mempersekutukan Allah, maka sungguh ia telah berbuat dosa yang besar.

Urang-urang yang menggawi gawian syirik dingarani Allah urang tasasat jauh, ini ada dalamal-pQur’an surah An-Nisaa ayat 116 :
:
وَمَن يُشْرِكْ بِاللّهِ فَقَدْ ضَلَّ ضَلاَلاً بَعِيدًا

Barang siapa yang mempersekutukan (sesuatu) dengan Allah, maka sesungguhnya ia telah tersesat sejauh-jauhnya.

Bubuhan yang katuju manggawi gawian syirik , angkaya mandatangi dukun, diancam Allah awan hukuman api neraka, kalu kada parcaya lihati dan baca al-Qur’an surah Al-Maa-idah ayat 72 :
إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَا

Sesungguhnya orang yang mempersekutukan (sesuatu dengan) Allah, maka pasti Allah mengharamkan kepadanya surga, dan tempatnya ialah neraka, tidaklah ada bagi orang-orang zalim itu seorang penolongpun.

Bubuhan k yang kadatahu inya manggawi syirik baubat kadukun, sabalum talambat lakasi haja batubat, minta ampun awan Allah, batgubat itu menyapu samuan dusa-dusa , Allah bajanji lawan umat-Nya dalam al-Qur’an surah Az-Zumar ayat 53 :

-
قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ

Katakanlah: "Hai hamba-hamba-Ku yang malampaui batas terhadap diri mereka sendiri, janganlah kamu berputus asa dari rahmat Allah. Sesungguhnya Allah mengampuni dosa-dosa ] semuanya. Sesungguhnya Dia-lah Yang Maha Pengampun lagi Maha Penyayang.

Ujar Allah Ta’ala siapa haja yang batubat, dibari ampun, damitu jua nang manggawi syirik, kalu inya minta ampun b atubat sabalum mati. Kalu kada handak batubat, inya mati mambawa kasyirikannya , labar am, kada handak Allah mambari ampun, talambat ikam tuh ai.
( Wallaahu ta’ala ‘alam bissawab )

Sumber bacaan :
1. Al-Qur’an dan terjemahan, program Salafi-DB
2. Ensiklopedi Hadits Kitab 9 Imam CDHK 91 LidwaPusaka.
3. Buku Pintar Aqidah Ahlussunnah , Syaikh Al-Allamah Hafizh bin Ahmad Al-Hikami.
4. Lentera Qolbu Edisi 5 Volume 1

Dituntungkan, ba’da shubuh , Isnin, 24 DzUlqaidah 1431 H/ 1 Nopember 2010 M

Tidak ada komentar:

Posting Komentar